Sánchez garantiza tola ayuda necesaria a los afectaos por la dana: "Nun vos vamos dexar solos"

Yolanda Díaz pide "responsabilidá" a les empreses de les zones afectaes pola dana

El presidente del Gobiernu, Pedro Sánchez, treslladó esti miércoles la so solidaridá y afectu a toles víctimes y afectaos pol temporal qu’afectó a parte de la Comunidá Valenciana y de Castiella-La Mancha y garantizó-yos tola ayuda necesaria: "Nun vos vamos dexar solos".

Nuna declaración institucional nada más volver d’un viaxe oficial a La India y enantes de presidir na Moncloa’l comité de crisis pal siguimientu de los efectos de la dana, el xefe del Executivu pidió a los ciudadanos de les zones afectaes que nun baxen la guardia.

Pidió-yos medrar les precauciones, nun salir a les carreteres nin dir cerca de cantiles, vaguaes y calces y atender les alvertencies de les autoridaes y los servicios d’emerxencia. "Que naide ponga en riesgu la so vida", solliñó recordando que la emerxencia nun acabó porque la dana sigue causando "estrozos".